معكم المحررة الصحفية: مريم سيدعاشور "رحيق"
من جريدة_تميز_TAMAYOZ
الإسم: رحمة محمد عبد المعبود
السن: 21
المحافظة: القاهرة
الموهبة: كاتبة ومصممة
في هذا الحوار نلتقي بكاتبة تتحدث عن تجربتها في عالم الكتابة، عن رؤيتها، وتحدياتها، وأفكارها.
1. كيف بدأت رحلتك مع الكتابة؟
ج: كان في كاتبة، اسمها الاء آمين، كُنت بحب كتاباتها، وشوية شوية شجعتني، بعدين دخلتني تبع كيان بتاعها اسمه شمس، وابتديت اوظف مشاعري والمواقف اللي بشوفها واعرضها عليها
2. ما الذي ألهمك لتكتب أول نص لك؟
ج: مش فاكرة اوي، بس كانت ساعتها حاجة مضيقاني، الموضوع مكنش مريح إلى أن تحاول لكلمات وحروف فالحمد لله
3. هل يمكنك وصف مصدر إلهامك في الكتابة؟
ج: بتكون حاجة أنا اتأثرت بيها، مواقف اللي حواليا مرة بيها وقدرت أتفهم مشاعرهم وترجمتها في نصوص.
4. ما هو نوع الأدب الذي تفضلينه؟ وهل جربت أنواع أخرى؟
ج: الأدب النثري(رواية، قصة)، في فترة ما كان الأدب الشعري(شعر حر) بس حاليًا لأ.
5. ما أهم التحديات التي واجهتك خلال مشوارك الأدبي؟
ج: تكوين قاعدة قراء ليك، بيهتموا بالمحتوى بتاعك وبيحبوا وبيدعموك، وبعد ما الحمد لله عكلت ده من 3 سنين، لسبب ما قفلت الجروب، وخسرت قاعدة قراء كانوا بيحبوا نصوصي بجد وبيستنوها، ولكن الحمد لله.
6. كيف كان دعم العائلة والأصدقاء لك؟
ج: لا أتذكر أوي، بس مكنتش قايلة لحد، أنا لقيت نفسي شاطرة شوية في شيء، واللي نبهني لده كاتبة، كلامي اه مكنش مترتب اوي، بَس مع الوقت والأهتمام ساعتها كُنت أحسن، ممكن وقتها لما عملت جروب وده كان بعد فترة كويسة من لما بدأت، ابتدوا يعرفوا وقتها، ويقولوا رأيهم، ويستنوا باقي القصص، لكن أهلي مش فاكرة صراحة.
7. كيف تتعامل مع النقد؟ وهل أثر في تطورك؟
ج: معنديش مشكلة معاه طول ما غرضه النُصح، ومخرجش من إطار الأحترام، في ناس إلى الآن لما بتاخد رأيهم بيبتدوا يذوروا على اي حاجة، والأسلوب مش بيكون كويس، أكيد في حاجات استفدت منها، لما حد بيقول في غلط في النص بالنسبة للتشبيه، برجع وآخد بالي، لغويًا، بحاول ابدأ أعرف وأفهم قواعد نحوية، وعموما اي نقد مش هدفه التقليل من شخصك ومبني على احترام وذوق، فمعنديش اي مانع في
8. هل تعتقدين أن الكتابة وسيلة للتغيير الاجتماعي؟ وكيف؟
ج: اه، وممكن شايفة إن أكتر حاجة ممكن تأثر فيها الكتابة هي القيم والعادات، وممكن التعليم شوية بالنسبة للتغيرر الأجتماعي، لما بناقش حاجة معينة، مشكلة، في هيئة نص بسيط سلس، ده أكيد هيأثر، وبالنسبة لإدراك المشاعر بردوا وتفهمها، مثلا لو اتكلمنا عن عادة الزواج المبكر في بعض الكدن والأقاليم، ده تأثير وتغيير، حتى لو شخص واحد بقى واعي وفاهم فاحنا وصلنا لمكان كويس، لو اتكلمنا عن أهمية التربية ومن الأول خالص جبناها من أهكية اختيار شريك حياة كويس، سوي، أب، عشان أولادنا يبقوا أسوياء، واتكلمنا عن المشاكل اللي ممكن تواجههم في سنن ما، واي الجوانب اللي ممكن الأهل شايفنها عادي ومش مؤذية بس هي بتأثر عليهم وبتأثر على شخصيتهم، زي التفرقة بين الأولاد، عدم الإستماع لوجهة نظرهم، وتهميش آرائهم ووجودهم، والتعبير عن عدم استحقاقيتهم لشيء وفي أحد الأطفال يستحق ده، ممكن للكارثة يأثر على علاقتهم ببعض، في عدم وعي مننا كلنا في جوانب كتير، فالله المستعان.
9. هل تفكرين في إصدار كتاب خاص بك؟ وما موضوعه؟
ج: مش بفكر يكون خواطر، حابة يكون عمل روائي، بيتكلم عن أدب الجريمة والتحقيقات، حقيقي أول رواية كُنت قرأتها أو أول عهدي معاهم كان كتب الجريمة والتحقيقات، كان في المعهد بتاعنا مكنبة كان فيها سلسلة مَا، مش فاكرة للأسف اسمها، بس كانت جميلة جدًا، وللأسف مكنتش كاملة بردوا، فيمكن من وقتها أنا بفضل التصنيف ده، وبإذن الله هدرس الموضوع وجوانبه، وبإذن الله أعمل كده.
10. ما نصيحتك لمن يرغب في دخول عالم الكتابة؟
ج: اقرأ، اقرأ كتير، متسمحش لحد يقلل منك، كون حصيلة لغوية، حاول تعرف شوية في قواعد النحو لإن كده كده هتحتك بيها، تقبل النقد عادي طول ما في إطار النُصح مش التقليل، متهتمش أوي بتسجيل ناس، وميشغلش بالنا أمور الوسط، خلي لك ناس معينة أنتً واثق فيهم حواليك، ملهمش دعوة بحاجة، ومع ذلك مركزهم موجود، كون قاعدة قراء، ده بيساعد جدًا، لو اي حد همش من موهبتك أو حاجة انتَ يتحيها وبتسعى فيها، خرجه من مساحتك، أو قلل الحديث في الموضوع ده معاه، وبالتوفيق.
11. ما الرسالة التي تودين توجيهها لقرّاء جريدة_تميز_TAMAYOZ؟
ج: في حاجات كتير وفي آراء كتير مختلف فيها، حاولوا أنتم تفلتروا ده، وتعرفوا المعلومة الدقيقة، ووجودكم مهم، وبمشاركتكم وحبكم الكاتب بيكون ليه مكان، دعمكم بيخلي المحتوى يكمل ويوصل لعدد أكتر، فشكرًا ودمتم آمنين.
#المحررة_الصحفية: مريم سيد عاشور
"رحيق"
#المدير_المؤسسة_رحمه_المعتصم_توليب» جريدة_تميز_TAMAYOZ
#ادعم_موهبتك
تعليقات