معكم المحررة الصحفية: مريم سيد عاشور "رحيق"
من جريدة_تميز_TAMAYOZ
في هذا الحوار نسلّط الضوء على مصممة جرافيك شابة، استطاعت أن تحوّل شغفها بالألوان والتفاصيل إلى بصمة فنية مميزة. نقترب أكثر من مسيرتها، تحدّياتها، وأحلامها في عالم التصميم الرقمي.
الاسم:خديجه سعيد
السن:14
المحافظة:القاهره
الموهبة:جرافيك ديزاين
1. متى كانت بدايتكِ الفعلية في مجال التصميم والجرافيك؟
ج.من 9اشهر
2. ما الذي جذبكِ إلى هذا المجال؟ وهل كنتِ دائمًا تميلين للفن؟
ج. اختي كانت ديزاينر، وكانت بتوريني تصاميمها فحبيت المجال جدا وبدات فيه.
3. هل درستِ التصميم أكاديميًا أم تعلمتِه ذاتيًا؟ وكيف كانت التجربة؟
ج.بدايتي كانت اكادمياً، اتعرفت على الاساسيات في التصميم الجرافيكي، وبدات اني اطور نفسي بأني ادخل فاعمال تطوعيه كتير، واهتم بالتغذيه البصريه من مواقع مختلفه، وده خلاني اتطور اكتر فالمجال و فوقت قصير، وتصميمي اتحسن بشكل كبير و واضح.
4. ما هي الأدوات أو البرامج التي تعتمدين عليها في تصميماتكِ؟
ج.البيكسلاب، المصمم العربي احياناً، وحاليا بتعلم من على كانفا
5. ما نوع التصميم الذي تفضلينه (هويّات بصرية، سوشيال ميديا، بوسترات...إلخ)؟ ولماذا؟
ج.سوشيال ميديا، لاني بحس ان الديزاينر الي بيعمله يقدر يطلع فيه ابداعه بشكل كبير.
6. ما أبرز التحديات التي واجهتكِ في رحلتكِ كمصممة؟
ج. فالبدايه كانت تصاميمي سيئه جدا، كنت بقابل ناس بتنتقد تصاميمي كتير جدا، وده احبطني فالاول، وكنت عايزه اسيب المجال خالص ومكملش فيه، بس بدات ارجع شغفي تاني واشجع نفسي وكملت فالمجال تاني، وكملت اقوى.
7. كيف تتعاملين مع آراء العملاء المختلفة؟
ج.بحترمها طبعا، سواء كان نقد، او مدح،
8. من هو مثلكِ الأعلى في عالم التصميم؟ وهل هناك أعمال ألهمتكِ؟
ج.حقيقي مليش مثل اعلى فالتصميم. ايوا ف اعمال كتير الهمتني ولكن مكنتش اعرف مين الي صمموها
9. هل شاركتِ في أعمال تطوعية أو مشاريع جماعية تخص التصميم؟
ج.ايوا اكيد، شاركت فاعمال كتيره جدا، سواء كانت تبع مبادرات ومؤسسات، او مع ناس بشكل خاص.
10. هل تفكرين في إطلاق براند خاص بكِ في مجال التصميم؟ وما الفكرة التي تسعين إليها؟
ج.لا مش بفكر فالموضوع ده.
11. ما هي نصيحتكِ لأي شخص يرغب في دخول عالم التصميم؟
ج.ابدأ فالمجال بالاساسيات فقط، وادخل كورسات تكون تبع ناس موثوقه، عشان ميتنصبش عليك والناس تاخد منك فلوس وخلاص ، دور على حد فعلا موثوق تاخد معاه الكورس، متحبطش لما تلاقي تصاميمك وحشه، ده طبيعي فالبدايه وتصاميمك هتدعدل مع الوقت، وانت نفسك هتلاحظ ده، متركزش مع الناس الي بتنتقد فيك وده مياثرش عليك بالسلب، الي عايز مصلحتك فعلا هينصحك بشكل لطيف، لكن اي حد بينتقد باسلوب سلبي وفظ فده مش عايز مصلحتك اصلا، وفالغالب بيبقا عايز يحبطك وخلاص.
12. كلمة أخيرة لقرّاء جريدة_تميز_TAMAYOZ؟
ج.اسعى عشان هدفك، وابدا فيه حتى مع انعدام الشغف، او انعدام الوسايل الي هتوصلك للهدف ده، ابدا واستعين بالله وهو هيسر لك كل شئ، وهيوصلك للي انت عايزه، وهينجحك فيه كمان.
#المحررة_الصحفية: مريم سيد عاشور "رحيق"
#المدير_المؤسسة_رحمه_المعتصم_توليب» جريدة_تميز_TAMAYOZ
#ادعم_موهبتك
تعليقات