معكم المحررة الصحفية:فريدة هاني "سيلينا "
من جريدة_تميز_TAMAYOZ
نلتقي اليوم بموهبة مميزة ترسم بأناملها ما تعجز الكلمات عن وصفه، تنقلنا بريشتها إلى عوالم من الأحاسيس والألوان، وتحوّل السكون إلى مشهد ناطق. نفتح معها كُراس الفن، ونتعرّف إلى رحلتها وملامح تجربتها.
الاسم:الشيماء عبد السلام الشرقاوي
السن:19سنه
المحافظة: البحيرة
الموهبة:الرسم
1. متى بدأتِ رحلتك مع الرسم؟ وهل تتذكرين أول لوحة رسمتِها؟
ج. بدات رحلتي وانا 8 سنين اكتشفت موهبتي في المدرسه كنت احب ارسم اي حاجه قدامي زي رسمه علي غلاف كتاب او اسكتش واكتشفت موهبتي معلمه التربيه الفنيه في المدرسه ساعتها وشجعتني كتير طول فتره الابتدائيه اني انمي موهبتي واشتغل عليها ومن هنا بدأت.
مش لوحه هي كانت رسومات من ديزني والانمي
2. ما الذي يُلهمك عندما تمسكين الفرشاة؟
ج.لما بمسك اي حاجه تخص الرسم حقيقي الواحد بيحس إنه دخل عالم غير اللي احنا فيه الرسم بالنسبه لاي حد بيحب الرسم عالم بيلاقي فيه راحته من كل المتاعب والحزن وغيره وادوات الرسم بالنسبه لاي فنان حاجه غاليه جداااا
3. هل تميلين إلى الرسم الواقعي أم التجريدي؟ ولماذا؟
ج.التجريدي. لانه بيدي فكره او الرسام بيعرف يعبر عن مشاعره اكتر او يعبر عن فكره هو حابب يوصلها لغيره بيوصف فيها خياله والمحيط اللي عايش فيه وبيتعمق اكتر في الحاجات اللي قدامه.
4. من هو الفنان أو الرسّام الذي تأثرتِ به في بدايتك؟
ج.في البدايه مش كنت اعرف رسامين غير بابلو بيكاسو مؤخرا عرفت الفنان ڤان جوخ واللي اثر فيا رسمه النجوم الكتير والليل المشهوره حاليا
5. ما المواضيع أو المشاعر التي تحرصين على تجسيدها في رسوماتك؟
ج.مشاعر الحزن والوحده بحب الرسومات اللي بتعبر عنها لانه ممكن يجذب اي حد وحيد او زعلان إنه يرسم ويعبر عن مشاعره عن طريق الرسم
6. هل مررتِ بفترات انقطاع عن الرسم؟ وكيف تجاوزتِها؟
ج.اكيد مريت بفترات انقطاع مش فتره بس ودا طبيعي عند اي حد عنده موهبه عموما مش في الرسم فقد بس كنت اتجاوزها بالاستمراريه بعدها واني اكون عندي طاقه للرسم في البدايه عشان مش يكون فيه اي نوع من الاحباط بعد الانقطاع
7. هل شاركتِ في معارض فنية أو مسابقات؟ وكيف كانت التجربة؟
ج.لا بصراحه مش شاركت في معارض ولا مسابقات لاني فيش حد دعمني في الموهبه غير نفسي فقط بعد الابتدائيه كملت لوحدي ومن غير كورسات وكنت بستمر في للرسم لحد ما نميت الموهبه لوحدي بدون اي كورسات بل بالعكس انا اللي بدي كورسات وماسكه تيمات لبعض الكيانات الداعمه للمواهب
8. كيف ترين دور الفنان/الرسام في مجتمع اليوم؟
ج. اكيد الفن شئ اساسي في حياتنا عموما وبيدخل في حاجات كتير مختلفه في حياتنا و ليه دور مهم مش بس في المجتمع في حياه الانسان لان الانسان في بدايه حياته بتعرف علي اي حاجه من خلال الرسم البسيط وبكدا ليه دور مهم طبعا
9. هل لديكِ نية لإقامة معرض خاص بكِ؟ وما العنوان المقترح له؟
ج.اكيد بتمني ان يكون ليا في المستقبل ورشه خاصه بيا واعمل معرض للوحاتي ولشغلي اللي برسمه طبيعي عنوانه هيكون " بصمة فنانة"
10. ما رأيك في منصات السوشيال ميديا في عرض الأعمال الفنية؟ وهل تعتمدين عليها؟
ج.اكيد السوشيال ليها فائده كبيره لاي حد بيرسم إنه يعرض رسمه للناس بابسط الطرق ويتشهر من خلالها وبكون ليه بصمه جديده في الرسم من خلالها
ايوا بعتمد عليها لان هي الوسيله الوحيده حاليا اللي اقدر اوصل بيها موهبتي للناس
11. ما هي نصيحتكِ للفنانين الجُدد الذين يسعون لتطوير موهبتهم؟
ج.نصيحتي لاي حد بيعرف يرسم الاستمرارية ثم الاستمرارية ثم الاستمرارية بجد طالما عندك الموهبه استمر عليها هتطور مع الوقت بدون كورسات او اي نوع للتعلم وساعتها هتكون فرحان انك مشيت في طريق ونجحت فيه بدون اي عوامل مساعده للعلم إن الكورسات والتدريبات هتنمي اسرع بدون شك بس لما توصل لمستوي عالي وبمساعدت نفسك هتكون ليها فرحه تانيه وعن تجربه
12. كلمة أخيرة لقرّاء جريدة_تميز_TAMAYOZ؟
ج. هيا فعلا زي اسمها متميزة، وتدعم المواهب الصاعدة وبتديهم أمل وطمحوح انهم يكملو وبشكرها جزيل الشكر على المقابلة دي
#المحررة_الصحفية:فريدة هاني "سيلينا"
#المدير_المؤسسة_رحمه_المعتصم_توليب » جريدة_تميز_TAMAYOZ
#ادعم_موهبتك
تعليقات